Оиди ВНМО/БПНМ

Салом. Нишонаҳои аввалини сирояти ВНМО метавонанд баъд аз 5-30 рӯзи сироятшави ба монанди зуком ё дигар сироятҳои шадиди роҳҳои нафас, ва аксар вақт ба монанди мононуклеози сирояти сар шавад. Ин давра давраи шадиди сирояти ВНМО ном дошта метавонад то 3-4 ҳафта давом кунад. Дар ин давра ташхиси ВНМО гузоштан душвор аст, чунки дар ин давра антителаҳо дар хун пайдо нашудаанд ва тестҳо манфӣ нишон медиханд. Инчунин нишонаҳои давраи шадиди ВНМО на чандон вазнин мегузарад ва беморон ба духтур муроҷиат намекунанд. Ин давра на дар ҳама шахсони гирифтори ВНМО пайдо мешавад, ва баъд аз он бемори ба давраи бенишонаги мегузарад, то он даме, ки масуният паст шуда бемориҳои оппортунисти авҷ нагиранд – давраи сар задани нишонаҳои клиники ва СПИД. Ин давра ба ҳисоби миёна баъди 8-10 сол ба амал меояд. Дар ин давра нишонаҳои клиники бемор вобаста ба бемории оппортунистие, ки авҷ мегирад вобаста мебошад, ба монанди: сили шушҳо ва ғайришуш, пневмонияи пневмосити, саркома Капоши, кандидозҳо ва ғайра. Инчунин нишонаҳои бемори метавонанд инҳо бошанд: камшавии вазни бадан, таб ва дарунравии сабабашон номаълум, ки давомнокиаш зиёда аз 1 моҳ, тез-тез зуком шудан ва ғайра.

Бо эҳтиром,

Умед Талбов