Омӯзишҳо оиди “Паст намудани сатҳи доғгузорӣ ва табъиз нисбати одамони бо сил дучоршуда ва гурӯҳҳои калидии аҳолӣ"

Маълумотнома

Дар давраи аз 17 то 20 августи соли 2020, дар шаҳри Норак ва ноҳияҳои А.Ҷомӣ, Темурмалик,  Данғараи вилояти Хатлони Ҷумҳурии Тоҷикистон 4 омӯзишҳо дар мавзӯи “Паст намудани сатҳи  доғгузорӣ ва табъиз нисбати одамони бо сил дучоршуда ва гурӯҳҳои калидии аҳолӣ “ баргузор  гардиданд.

Дар омӯзишҳо 82 нафар кормандони кӯмаки аввалияи тиббию санитарӣ  аз чор ноҳияҳои мақсадноки вилояти Хатлон (А. Ҷомӣ, Данғара, Темурмалик, Норак) -и лоиҳаи USAID оид ба бартараф намудани бемории сил дар Осиёи Марказӣ иштирок намуданд.

Дар ҷараёни тренингҳо мафҳумҳои «доғгузорӣ» ва «табъиз» муайян карда шуданд ва масъалаҳо оид ба таъсиси сохтори устувори мубориза бо зуҳуроти доғгузорӣ ва табъиз дар соҳаи тандурустӣ, алахусус нисбати шахсони гирифтори бемории сил, муҳоҷирони меҳнатӣ ва шахсоне, ки бо ВНМО зиндагӣ мекунанд, муҳокима шуданд.

Омӯзишҳо дар доираи Нақшаи муштараки Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Ташкилоти ҷамъиятии ҷумҳуриявии «Афиф» барои соли 2020 гузаронида шуданд.

• Қаблӣ
• Баъдӣ