МУСОИДАТ ДАР ҲАМОҲАНГСОЗИИ ЧОРАБИНИҲОИ ЗИДДИСИЛӢ ДАР МУАССИСАҲОИ ИСЛОҲИИ КИШВАР

МУСОИДАТ ДАР ҲАМОҲАНГСОЗИИ ЧОРАБИНИҲОИ ЗИДДИСИЛӢ

ДАР МУАССИСАҲОИ ИСЛОҲИИ КИШВАР

13 марти соли 2018 дар шаҳри Душанбе, ҷаласаи навбатии Гурӯҳи корӣ оид ба Ҳифзи саломатӣ дар Системаи иҷрои ҷазои ҷиноятии Вазорати адлияи Ҷумҳурии Тоҷикистон баргузор гардид.

Дар ҷаласаи гурӯҳи корӣ  22 нафар намояндагони муассисаҳои ислоҳӣ, Марказҳои ҷумҳуриявии ҳимояи аҳолӣ аз бемории сил, пешгирӣ ва мубориза бар зидди бемории ВНМО, ташкилотҳои ҷамъиятӣ ва байналмилалӣ, ки дар амалӣ намудани чорабиниҳои муштарак оид ба ҳифзи саломатӣ ва пешгирии бемориҳои аз ҷиҳати иҷтимоӣ муҳим дар муассисаҳои ислоҳии кишвар фаъолият мекунанд, иштирок намуданд.

Иштирокчиён бо нақшаи чорабиниҳои муштараки зиддисилии шарикон ва Системаи иҷрои ҷазои ҷиноятӣ барои соли 2018 шинос шуданд, ва инчунин стратегияи таъмини мониторинги клиникии босифат вобаста ба табобати беморони сил ва беҳтар намудани механизми интиқоли балғам аз муассисаҳои ислоҳӣ ба озмоишгоҳҳои шаҳрвандии ташхисиро муҳокима намуданд.  

Маълумот: Ташкилоти ҷумҳуриявии ҳамъятӣ «СФШҒ-Тоҷикистон» аз соли 2003 дар кори Гурӯҳи кории техникӣ оид ба ҳифзи саломатӣ дар системаи иҷрои ҷазои ҷиноятӣ, ки  механизми доимии ҳамоҳангсозии Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон мебошад, мусоидат намуда кӯмаки техникиро мерасонад. 

• Қаблӣ
• Баъдӣ